اسلام آباد۔24 جولائی (اے پی پی) وزیر ا??ظم محمد شہباز شریف سول سروسز کوں عصری تقاضیاں نال ہم آہنگ کرݨ، سول سروسز سٹرکچر دی بہتری اتے اونکوں جدید خطوط تے استوار کرݨ کیتے سفارشات ٻݨاوݨ کیتے وزیر منصوبہ بندی احسن اقبال دی سربراہی اچ کمیٹی ٻݨا تے کمیٹی کوں ہدایت کیتی اے جو کمیٹی ہک مہینے اچ تفصیلی مشاورت دے بعد اصلاحات تے مبنی جامع سفارشات پیش کرے۔ وزیر ا??ظم آفس دے میڈیا ونگ توں جاری بیان موجب وزیر ا??ظم محمد شہباز شریف دی صدارت سول سروسز دی اصلاحات تے جائزہ اجلاس خمیس کوں تھیا۔ اجلاس اچ وفاقی وزراء احسن اقبال، ا??ظم نذیر تارڑ، احد خان چیمہ، سردار اویس خان لغاری، علی پرویز ملک، مشیر وزیر ا??ظم رانا ثناء اللہ، وزیر مملکت بلال اظہر کیانی، معاونین خصوصی ہارون اختر، طارق باجوہ، ڈاکٹر جہانزیب خان سیکرٹری ایپکس کمیٹی ایس آئی ایف سی اتے متعلقہ اعلیٰ حکام شرکت کیتی۔ وزیر ا??ظم سول سروسز اچ اصلاحات بارے ٻݨائی ڳئی کمیٹی کوں میرٹ تے بہترین ٹیلنٹ دی بھرتی، ترقی کیتے مخصوص اہداف تے مبنی کے پی آئیز، اے سی آر نظام دی بہتری تے مؤثر متبادل دے حوالے نال سفارشات ٻݨاوݨ دی ہدایت کیتی ۔ انہاں جدید ٹیکنالوجی تے جدید نظام کوں مدنظر رکھیندے ہوئیں افسراں دی استعداد کار کوں ودھاوݨ کیتے لائحہ عمل کوں وی سفارشات دا حصہ بݨاوݨ دا حکم ݙتا۔ انہاں ہدایت کیتی جو ایجھی سفارشات ٻݨائی ونجن جو پائیدار نظام دی بنیاد بݨن اتے گورننس دی بہتری اتے سول سروسز کوں عصری تقاضیاں نال متواتر ہم آہنگ کرݨ دا مستقل نظام قائم تھیوے۔ وزیر ا??ظم آکھیا جو سول سروسز اچ عام آدمی دی زندگی کوں سوکھا بݨاوݨ اتے اوندا معاون بݨاوݨ کیتے اصلاحات حکومت دی پہلی ترجیحات اچ شامل ہن۔ اجلاس کوں سول سروسز اصلاحات بارے بریفنگ ݙیندیں ہوئیں ݙسیا ڳیا جو سول سروسز اچ بھرتی، ٹریننگ، کارکردگی دے جائزے، تنخواہواں دی بہتری اتے ترقی بارے مشاورت دے بعد تجاویز مرتب کیتی ویندی پئن۔ اجلاس اچ خطے دے ݙوجھے ملکاں اچ سول سروسز دی اصلاحات دا پاکستان دے نال تقابلی جائزہ وی پیش کیتا ڳیا۔ اجلاس کوں ݙسیا ڳیا جو گورننس دی بہتری، عام شہری دی زندگی کوں بہتر بݨاوݨ دے نال نال بہترین ٹیلنٹ دی میرٹ تے بھرتیاں کوں سول سروسز اصلاحات دا محور رکھیندیں ہوئیں سفارشات کوں چھیکڑی شکل ݙتی ویسی۔ وزیر ا??ظم قائم شدہ کمیٹی کوں ہک مہینے اچ سارے سٹیک ہولڈرز نال مشاورت دے بعد جامع سفارشات کوں چھیکڑی شکل ݙیوݨ دی ہدایت کیتی۔
وزیر اعظم سول سروسز کوں جدید خطوط تے استوار کرݨ بارے احسن اقبال دی سربراہی اچ کمیٹی ٻݨا ݙتی، ہک مہینے اچ سفارشات پیش کرݨ دی ہدایت
اسلام آباد۔24 جولائی (اے پی پی) وزیر اعظم محمد شہباز شریف سول سروسز کوں عصری تقاضیاں نال ہم آہنگ کرݨ، سول سروسز سٹرکچر دی...
مضمون کا ماخذ : resultados loteria ریو ڈی جنیرو
