اسلام آباد۔17ستمبر(اے پی پی)قائم مقام صدر سید یوسف رضا گیلانی اپیل کیتی اے جو ملکی اتے غیر ملکی فلاحی ادارے سیلاب توں متاثر تھیوݨ آلیاں آبادیاں، خاص کر جنوبی پنجاب اچ، ویلھے سر امداد ݙیون۔ ایوان صدر دے پریس ونگ توں جاری تھیوݨ آلے بیان دے مطابق، قائم مقام صدر آکھیا جو امداد دا ویلھے سر پُڄݨ ٻہوں ضروری اے تاں جو ساریاں توں ودھ متاثرہ لوکاں تئیں مدد پُڄ سڳے. وفاقی وزیر برائے بین الصوبائی رابطہ سینیٹر رانا ثناء اللہ خان ایوانِ صدر اچ قائم مقام صدر نال ملاقات کیتی۔ اے انہاں دی سینیٹر بݨݨ دے بعد پہلی خیر سگالی ملاقات ہئی۔ ملاقات اچ ملک دی مجموعی سیاسی اتے امن و امان دی صورتحال تے گالھ مہاڑ کیتی ڳئی۔ بعد اچ، قائم مقام صدر نال پاکستان پیپلز پارٹی دے مرکزی سیکرٹری جنرل اتے خیبر پختونخوا دے سابق وزیر خزانہ ہمایوں خان وی ملاقات کیتی۔
مضمون کا ماخذ : کمپیوٹر لاٹری لائیو
